Abaswezi ngabakuma ensisira ya Bujjagali-ekifananyi kya Emmnanuel Balukusa
Bya Lubowa Kiggundu
AKULIRA enzikiriza y’obuwangwa n’ennono mu ggwanga, Jjumba Lubowa Aligawesa yenyamidde olw’obwavu obuyitiridde mu bantu b’e Busoga naddala mu basawo b’ekinnansi wamu n’abasamize.
Aligawesa ategeezezza ng’abasawo b’ekinnasi bangi mu Busoga bwe basusse okubeeraa abaavu era ngono asuubiza okukolera awamu n’Obwakyabazinga bwa Busoga ssaako ne Hassan Kirunda Bujagali omugya, okubulwanyisa era okubukendeeza.
Bino abyogeledde ku kyalo Kyabirwa mu Kibuga Jinja ku mikolo gy’okutuuza Bujjagali omugya oluvannyuma lw’eyali Bujagali okufa era n’aziikibwa ku kyalo Bujjagali.
Abaswezi Nga Bakuuma Ensiisira Ya Bujagali
Hassan Kirunda (atayambadde Ssaati) Atuuziddwa Nga Bujagali Omugya
Bujagali Omugya Hassan Kirunda Ng’ayita Mu Kiyitirirwa Ekyamuzimbiddwa
Jjumba Lubowa Aligawesa Ne Mukyalawe Ssenga Kezia Kulanama Nga Bawuubira Ku Ssabalangira Wa Busoga Nkutu Samuel
Bp. Samuel Lubogo Naye Yeetabye Ku Mikolo Gy’okutuuza Bujagali.
Omukyala Ng’ayingiza Emisito Gy’ennyama Mu Kasiisira Ka Bujagali
Abamu Ku Bacwezi Abeetabye Ku Mukolo Gw’okutuuza Bujagali Wa Busoga Nga Bakuba Ebivuga
Atuuziddwa ye Hassan Kirunda ng’ono ye Bujagali omugya era ye 40.
Atuuziddwa ku mbuga ye era emikolo gikolebwa ku kyalo Kyabirwa era ng’abasamize naddala Abaswezi be basinze okugyetabamu.
Ssaabalangira wa Busoga, Samuel Nkutu Zilabamuzaale ye mugenyi omukulu ku mikolo gino.
Wasswa Mwiri akuliddemu okutuuza Bujagali omugya asiimye enkolagana Jjumba Aligawesa ssaako ne mukyala we Kezia Kulanama gyebalina n’abasamize ssaako n’abasawo b’ekinnansi abakolera mu Busoga.
Hassan Kirunda okufuuka Bujjagali ava ku kyalo Buyanda-Kijja mu ggombolola y’e Kidera mu disitulikiti y’e Buyende.
Emikolo gyetabiddwaako ne Bishop Samuel Lubogo owa Charismatic Church.
